შემოდგომა ლამაზ წითელ-ყვითელ ფერებს
გადააბნევს ბალახს, გადააბნევს ხეებს,
აამღერებს ქარს და ღრუბლებს წვიმად დაცრის,
ფოლით მორთავს ქუჩებს, ნისლს ფარდებად გაშლის.
აივსება სევდით მდინარეთა ხმები,
ჩაეფლობა ფიქრში ბუმბერაზი მთები,
მდუმარება მოვა, დაიბუდებს ხევში,
ტყე ხანდახან როგორც ბერიკაცი ხვნეშის...
დაბნელდება... სუსხი იბატონებს ღამით,
და სიმკაცრით ალბათ შემაშინებს მაინც.
სიქათქათე წაშლის მერე ირგვლივ ყოველს...
ოღონდ ეხლა არა... გთხოვ, ნუ მიმატოვებ...


28.10.2007